EXCLUSIVE: Bakit nga ba kinuha ng GMA si Adrian Alandy?

Bukod kina Nora Aunor at Wendell Ramos, nagbabalik-Kapuso rin ang hunk actor na si Adrian Alandy a.k.a. Luis Alandy. Ang 2015 primetime series na The Rich Man's Daughter ang kanyang huling serye na ginawa sa GMA.

Flattered si Adrian nang offer-an siya na maging parte ng upcoming primetime series na Onanay dahil sa kanyang work attitude.

Bahagi niya sa isang eksklusibong panayam, "Masaya ako kasi after almost three years, may ganitong project na nabigay sa'kin, and kausap nga ako kanina ng mga boss and sobrang thankful nila dahil tinaggap ko 'yung role. They were really looking for an actor that people can relate to and flattered naman ako dahil 'yun ang tingin nila sa'kin. Ako raw ang aktor na hindi nag-iinarte kung ano ang gustong ipagawa sa'kin. So, maganda naman 'yung feedback or 'yung comment nila sa'kin kaya kinuha nila ako."

Makakasama ni Adrian sa Onanay sina Nora Aunor, Cherie Gil, Mikee Quintos, Kate Valdez, Enrico Cuenca, Wendell Ramos, Gardo Versoza, Rochelle Pangilinan, Vaness Del Moral at Jo Berry.