Naku, lagot ang isang sa crew member ni Boss EZ (Vic Sotto) na maakusahan nang-“ghosting” sa upcoming episode ng Open 24/7 ngayong June 10.
Matapos ang successful grand opening ng Open 24/7 convenience store napansin ni Boss EZ na kokonti na lang ang kanilang customers.
Makakaisip ang boss ni Mike (Maja Salvador) na mamigay ng leaflets, pero mukhang sablay ang plano. Kaya sasaklolo ito kay EZ at sa tulong ng buong crew ng convenience store maiisip nil ana mag-hire ng isang vlogger para tulungan silang mag-promote- ito ay walang iba kundi si Shaira (Shaira Diaz)!
'Yun nga lang magiging awkward ang situation, dahil makikita ni Shaira ang chinito heartthrob na si Kokoy (Kimson Tan)- ang lalaking nang ghosting sa kaniya noon.
Magawa kaya ng pretty vlogger na i-separate ang nararamdaman niyang issue para matulungan si Boss EZ sa kaniyang business problem o tuluyan na lamang siya mag-back out para iwasan na si Kokoy?
Sundan ang mangyayari sa unli-tawanan na hatid ng crew ni Boss EZ sa Open 24/7 ngayong June 10, pagkatapos ng #MPK (Magpakailanman) sa oras na 9:15 p.m..
Tila humihina ang kita ang convenience store ni EZ dahil kokonti lang ang kanilang customers. Ano kaya ang gagawin niya at kaniyang Gen Z crew?
Mukhang may naisip nang diskarte si EZ sa kanilang business problem. Ano kaya ang masasabi ni Spark (Jose Manalo) sa plano ng kapatid?
Abangan ang guest appearance ni Shaira Diaz sa 'Open 24/7' ngayong Sabado ng gabi.
Ano ba ang nangyari kina Shaira at Kokoy (Kimson Tan) noon? Bakit nasabi nang popular vlogger na biktima siya nang panggo-ghost ng chinito hottie?
Mukhang dadagdag pa sakit nang ulo ni Boss EZ ang isyu nang dalawa!
Huwag pahuhuli sa gumagandang kuwento ng 'Open 24/7' tuwing Sabado sa oras na 9:15 p.m., pagkatapos ng '#MPK.'