Hindi pa man nauubos, pero mukhang nagdadalamhati na si Mikaela (Maja Salvador) sa matatanggap niyang suweldo sa convenience store nina Boss E.Z. (Vic Sotto) at Spark (Jose Manalo).
Sa episode ng Open 24/7 ngayong Sabado, tuwang-tuwa si Mikaela dahil makukuha na niya ang una niyang suweldo.
Ngunit, magtataka siya nang makita nito na mas malaki ang nakuha niyang suweldo noong siya ay nagpapanggap pa bilang Mike.
Bakit kaya nagka-pay downgrade ang ating pretty na bida?
Heto ang mga aabangan na funny moment sa Open 24/7 sa Sabado Star Power sa gabi (September 23) sa oras na 9:30 pm.
Masaya ang mood sa Open 24/7 convenience store dahil suweldo day. Ano-ano kaya ang pagkakagastusan ng kanilang Gen-Z crew?
Mapapasigaw sa excitement si Mikaela dahil susuweldo na rin siya!
Bilangin nang mabuti ang sahod, Mikaela.
Mukhang may something na gugulat kay Mikaela. Bakit mas mababa ang suweldo niya ngayon bilang babae, kumpara noong nagpapanggap siya na lalaki?
Riot sa katatawanan na naman ang mapapanood natin sa 'Open 24/7' sa oras na 9:30 p.m., pagkatapos ng '#MPK' (Magpakailanman).