Mukhang may sabay-sabay na magre-resign sa upcoming episode ng Open 24/7 ngayong Sabado ng gabi
Ife-flex ni Boss E.Z. (Vic Sotto) sa kaniyang Gen-Z crew ang special guitar niya na may autograph ng bandang VST & Co.
Magpapa-sample pa siya ng kaniyang guitar skills sa lahat.
Ang mga boys naman na sina Kokoy (Kimson Tan), Doe (Bruce Roeland) at Andoy (Anjay Anson) ay tuwang-tuwa na gamitin muna ang guitar ni E.Z.
Pero hindi sinasadya ng tatlo na masira nila ang priceless guitar ng kanilang amo.
Aamin kaya ang tatlo sa kasalanan nila o magre-resign na lang sa Open 24/7 convenience store?
Mapupuno na naman ng good vibes ang episode ng patok na sitcom this week, dahil makakasama rin natin ang Sparkle actress na si Althea Ablan!
Heto ang pasilip sa kulit episode ng Open 24/7 sa darating na November 4 sa Sabado Star Power sa gabi!
Taray naman ng memorabilia na pagmamay-ari ni Boss E.Z.
Ano kaya ang kuwento sa likod ng priceless guitar ng kapatid ni Spark (Jose Manalo)?
Naku, ang mga orb hindi mapakali sa paggamit ng gitara ni Boss E.Z.
May aaminin kaya kina Doe, Kokoy, at Andoy kung bakit nasira ang gitara?
Bibisita sa Open 24/7 this Saturday night (November 4) ang Sparkle drama actress na si Althea Ablan.
Tutukan ang funny episode ng high-rating sitcom pagkatapos ng 24 Oras Weekend sa Sabado Star Power sa gabi.