Pepito Manaloto: Tommy Diones invades Caniogan!

Paano ba nagsimula ang pangungutang at pagiging tuso ng friend ng bayan na si Tommy Diones?

Puwes, hindi n'yo dapat palagpasin ang episode ng Pepito Manaloto: Ang Unang Kuwento, dahil bibisita sa Caniogan si Tommy!

Sa latest episode teaser ng award-winning sitcom, opisyal na ipinakilala na gaganap na younger version ni Tomas Diones ang versatile actor na si Gabby Eigenmann.

Nakilala at napamahal nang husto sa televiewers ang karakter ni Tommy sa Pepito Manaloto na ginampanan ng director-manager na si Ronnie Henares.

Ano kaya ang pakay ni Tommy sa mga magulang nina Pepito (Sef Cadayona) at Patrick (Kokoy de Santos) na sina Mang Benny (Archie Alemania) at Nanay Rosa (Gladys Reyes)?

Speaking of Pepito, mukhang titindi ang pagseselos ni Elsa (Mikee Quintos), dahil moving to the next level na ang relasyon ng ating bida sa “It Girl” na si Judy (Kate Valdez)!

Paano ang naudlot na pagtitinginan nina Pitoy at Elsa?

Mga friend, walang aabsent sa all-new episode ng Pepito Manaloto: Ang Unang Kuwento sa Sabado, September 18, 6:15 pm, sa Sabado Star Power sa Gabi.

Tingnan ang ilan sa viral memes featuring Ronnie Henares as Tommy Diones in the gallery below: