Ipinakilala na ang mga karakter na gagampanan nina Jillian Ward, Althea Ablan, at Sofia Pablo sa bagong family-serye ng GMA na 'Prima Donnas.' Kilalanin ang iba pang mga artista na makakasama nila sa gallery na ito.
Si Jillian Ward ang magiging ate ng triplets, ang responsable at matiyaga na si Donna Marie.
Bibigyang buhay naman ni Althea Ablan ang ambisyosa at feeling prinsesa na si Donna Belle.
Mahina, lampa, at sakiting anak si Donna Lyn, ang karakter na gagampanan ni Sofia Pablo.
Sina Donna Marie, Donna Belle, at Donna Lyn ang triplets na kakapitan ang isa't isa upang mamuhay nang mapayapa.
Si Katrina Halili ang tatayong ina ng mga Donna, si Lilian.
Gagampanan ni Wendell Ramos ang katauhan ni Jaime, ang tatay ng magkakapatid.
Ang beteranang aktres na si Chanda Romero ang gaganap na lola ng Prima Donnas at nanay ni Jaime, si Lady Primarosa.
Balik-Kapuso ang aktres na si Aiko Melendez sa pamamagitan ng 'Prima Donnas.' Bibigyang buhay niya ang karakter ni Kendra, isang tao na kinupkop ni Prima.
Si Elijah ang gaganap na si Brianna, ang magpapahirap sa buhay ng tatlong Donnas.
Gagampanan ni Benjie ang masungit at iritableng driver ni Jaime na si Agaton.
Idederehe ng beteranang aktres at direktor na si Gina Alajar ang 'Prima Donnas.'
Abangan ang 'Prima Donnas,' malapit na sa GMA Afternoon Prime.