Lolit Solis, hindi makapaniwalang tatapatan ng mga bigating aktor ang 'Prima Donnas'
Around GMA
Around GMA
OFW recalls experience saving child and old woman from HK residential fire Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Lolit Solis: "Kailangan i-congratulate talaga ang team ng 'Prima Donnas' dahil wow bongga ang ratings nila."
Tuloy-tuloy pa rin ang tagumpay ng nangungunang afternoon drama sa Pilipinas na Prima Donnas.
Sa katunayan, hindi makapaniwala ang beteranang showbiz columnist at talent manager na si Lolit Solis na napataob nina Jillian Ward, Althea Ablan, at Sofia Pablo ang kanilang katapat na programa.
"Nakita mo talaga na kahit namayagpag ang Kadenang Ginto nung una, nagawa itong padapain ng Prima Donnas sa gitna ng laban.
"Hindi mo aakalain na mapapataob ng tatlong young stars ng GMA ang drama ni Dimples Romana na sumikat ng husto,” sulat ni Manay Lolit sa kanyang Instagram post.
Hindi rin makapaniwala si Manay Lolit na pagbibidahan ng mga beteranong aktor na programang itatapat sa Prima Donnas.
"Hindi mo rin iisipin na tatapatan ng isang Kim Chiu at meron pang Christopher de Leon sila Jillian, Althea, at Sofia," saad ni Manay.
"Kailangan i-congratulate talaga ang team ng Prima Donnas dahil wow bongga ang ratings nila."
Patuloy lang na tutukan ang mas lalong gumagandang istorya ng Prima Donnas, Lunes hanggang Sabado, sa GMA Afternoon Prime.
Puwede na rin mag-catch-up ng episodes ng Prima Donnas na hindi napanood. Pumunta lang sa GMANetwork.com, o 'di kaya mag-download ng GMA Network app na available na sa Apple Store at Google Play.
Full episodes ng mga paborito n'yong Kapuso teleserye, mapapanood na sa GMANetwork.com at GMA Network app simula February 1!
