'Prima Donnas,' kinilala bilang Best Daytime Drama Series sa PMPC Star Awards for TV

By Aaron Brennt Eusebio

Published On: January 30, 2023, 02:09 PM

May bagong pagkilalang natanggap ang hit GMA Afternoon Prime series na Prima Donnas dahil kinilala ito bilang Best Daytime Drama Series sa PMPC Star Awards for Television.

Tinanggap ni Althea Ablan, na gumanap bilang Donna Belle, ang parangal kasama ang production staff ng Prima Donnas sa pangunguna ng Senior Program Manager nitong si Redgynn S. Alba at Executive Producer Erwin Manzano Hilado.

Kasama rin nila ang head writer na si Luningning Interino-Ribay at writers na sina Kutz Enriquez at Mikee Ladera.

"Best Daytime Drama Series -35th PMPC Star Awards for TV #PrimaDonnas Congratulations Team," sulat ni Althea sa kanyang Instagram post.

Mapapanood ang full catch-up episodes ng Prima Donnas sa GMANetwork.com at sa GMA Network App.

Samantala, bibida si Althea sa upcoming GMA Afternoon Prime series na AraBella, kung saan makakasama niya sina Shayne Sava at Camille Prats.

MAS KILALANIN PA SI ALTHEA SA MGA LARAWANG ITO:

Tags:

prima donnas, althea ablan, pmpc star awards for tv, pmps star awards, gma drama