Matapos ang ilang taon, muling bibida ang award-winning actress at Comedy Queen na si Aiai Delas Alas sa teleserye.
Mapapanood siya sa bagong GMA afternoon drama na 'Raising Mamay' kasama ang 'StarStruck' Season 7 Ultimate Female Survivor at up-and-coming dramatic actress na si Shayne Sava.
Sa serye, inaral ni Aiai ang pagiging bata bilang requirement sa kanyang character na nagngangalang Letty.
Magkakaroon si Letty ng age regression dahil sa traumatic brain injury matapos mabaril sa ulo.
Magmimistulang pitong taong gulang na bata si Letty at aalagaan siya ng kanyang anak na si Abigail, gagampanan ni Shayne, na magsisilbing nanay niya.
Aminado si Aiai na hindi madali ang kanyang role lalo pa at ito ang pagbabalik-serye niya sa hapon.
Gayunpaman, nakatulong daw ang pagiging cooperative ng kanyang co-stars para mapadali ang kanilang trabaho.
Bukod kay Aiai, ilan lamang sa bigating cast ng 'Raising Mamay' sina Gary Estrada, Antonio Aquitania, Valerie Concepcion, Raquel Pareño, at Ina Feleo.
Bibida rin dito ang kapwa 'StarStruck' graduate ni Shayne na si Abdul Raman na lalabas bilang leading man ng aktres. Sa puntong ito, mas mabibigyan ng atensyon ang kanilang loveteam sa 'Raising Mamay' matapos mapanood sa GMA primetime cultural series na 'Legal Wives' noong 2021 bilang supporting characters.
Matutunghayan din sa hapon ang iba pang Sparkle talents na sina Joyce Ching, Bryce Eusebio, Ella Cristofani, Hannah Arguelles, at Lei Angela Ollet.
Supporting actors man pero malaking parte ng kwento ang roles nina Tart Carlos at Orlando Sol sa main characters ng 'Raising Mamay.'
Narito ang kumpletong listahan ng kanilang roles na gagampanan sa upcoming Kapuso soap opera:
Si Letty ay strikto at medyo matalak na ina pero endearing at palatawa. Siya ay malambing na asawa kay Bong at maasikasong ina sa adopted daughter nilang si Abigail. Aksidenteng mababaril si Letty at magiging regressive ang behavior niya dahil sa brain injury. Ang mental state ni Letty ay magiging seven-year-old na bata at iisipin niyang ang kanilang ampon na si Abigal ang kanyang ina.
Only child nina Letty at Bong si Abigail pero hindi niya alam na adopted lang siya at anak siya ni Bong sa ibang babae. Responsible at hindi maarte si Abigail. She is adventurous and can take care of herself. After mabaril ni Mamay, mapipilitan siyang maging guardian ng kanyang ina.
Kilalang celebrity talk show host at TV personality si Sylvia. Matalino siya, always pleasant-looking, at very concerned sa kanyang public image.
Si Randy ay asawa ni Sylvia. Siya ay dating local official turned businessman. Gwapo at charming pero may saltik din pala si Randy. Possessive at abusive siya sa kanyang misis pero doting na ama sa kanilang anak na si Christopher.
Brusko at mayabang ang dating ni Paolo kay Abigail pero sincere at matulungin. May kaya ang pamilya nila kaya happy-go-lucky lang ito. Siya ang love interest ni Abigail.
Nagtatrabaho bilang cameraman si Bong, asawa ni Letty. Siya ay gwapo at bolero kaya lapitin ng mga babae. Marupok at mahina sa tukso si Bong dahil sa kanyang trabaho. Kahit hindi mahalaga na magkaroon sila ng anak ni Letty, napamahal na rin kay Bong si Abigail.
Iresponsableng younger sister ni Letty si Malou. May pagka-trashy tignan si Malou at kleptomaniac. Hindi makatagal sa isang trabaho at hindi marunong maghawak ng pera. Exact opposite siya ni Letty kaya hindi sila magkasundo ng kapatid.
Mukhang intimidating si Arma pero mabait at reasonable. Very organized siya at laging may presence of mind. Pinsan at road manager ni Sylvia si Arma.
Matalik na kaibigan at kumare ni Letty si Wenda. Lady security guard sa school nila Abigail kaya parang anak na rin ang turing niya rito.
Si Berna ay ina ni Sylvia. Mukhang istrikta at mapang-puna si Berna. Maingat siya sa mga taong dumidikit kay Sylvia dahil concerned siya sa image ng anak.
Only child nina Sylvia at Randy si Christopher. Lumaking malayo ang loob sa ina dahil feeling neglected siya nito dahil sa career.
Girlfriend ni Paolo si Kelly. Rich kid at maganda ang dalaga. She looks sweet pero bully.
Si Dwein ay anak ni Wenda kaya naging malapit na rin siya kay Abigail, na anak ng kaibigan ng kanyang ina na si Letty.
Bestie ni Kelly si Pam. Mayaman, maganda, at fashionista kung umasta si Pam pero may insecurities pala.