Ex-lovers, magre-renovate ng farm sa 'Regal Studio Presents: My Farmer Girl'
Photo Inside Page
Photos
Maisasalba ba ng ex-lovers ang isang maliit na farm mula sa pagkalugi?
'Yan ang dapat abangan sa weekend anthology series na 'Regal Studio Presents.'
Sa episode na "My Farmer Girl," uuwi ang businesswoman na si Bea (Arra San Agustin) sa family farm nila.
Gusto na kasing ibenta ng nanay niya ang farm nilang nalulugi pero tatanggi si Bea. Puno kasi ito ng memories ni Bea kasama kanyang tatay na pumanaw na.
Para kumita muli ang farm, susubukan ni Bea na ayusin ito. Tutulungan naman siya ng mabait pero pilyo niyang ex-boyfriend na si Rico (Paul Salas).
Maibabalik ba ni Bea ang farm nila sa dati nitong estado? Babalik din ba ang feelings niya para sa ex-boyfriend na si Rico?
Abangan ang "My Farmer Girl," August 25, 4:15 p.m. sa Regal Studio Presents.
Naka-livestream din nang sabay ang episode sa GMANetwork.com/KapusoStream.
Samantala, silipin ang ilang eksena ng episode sa gallery na ito:
