Pagdating ni Mrs. Madrigal sa 'Return To Paradise,' panalo sa ratings!

Mainit na inabangan ng Kapuso viewers ang episode ng afternoon drama series na Return To Paradise noong Biyernes (September 30) kung saan ipinakita ang bagong katauhan ni Amanda (Eula Valdes) bilang Mrs. Madrigal.

Napanood sa ika-45 episode ng Return To Paradise na unti-unti nang pinaparamdam ni Amanda kay Rina ang bagsik ng kanyang paghihiganti.

Kakampi naman ni Amanda sa kanyang plano upang maghiganti kay Rina ay si Lucho Madrigal, na binibigyang buhay ni award-winning actor Allen Dizon.

Samantala, patuloy na nangungulila si Eden matapos ang pagkawala ng kanilang anak ni Red (Derrick Monasterio). Lingid sa kaalaman ng dalawa na ibinigay ni Rina sa komadrona ang kanilang anak bilang parte ng kanyang masamang plano.

Sa episode na ito, nakapagtala ang Return To Paradise ng 7.6 percent ratings, ayon sa NUTAM People Ratings ng pinagkakatiwalaang market research firm na Nielsen Philippines.

Nagwagi rin sa ratings ang ika-44 episode ng nasabing serye, kung saan nakakuha ito ng 8.5 percent, at napanood dito ang patuloy na kasakiman ni Rina.

Ano kaya ang iba pang gagawin ni Amanda upang makapaghiganti kay Rina? Huwag palampasin ang mga maiinit na tagpo sa Return To Paradise tuwing Lunes hanggang Biyernes, 3:25 p.m., sa GMA Afternoon Prime.

KILALANIN ANG CAST NG RETURN TO PARADISE SA GALLERY NA ITO.