WATCH: Mikee Quintos and Kate Valdez reveal celebrity crushes

Inamin ng Encantadia beshies na sina Mikee Quintos at Kate Valdez ang kanilang celebrity crushes sa Bukidnon adventure nila sa Road Trip.

Kalmang ibinahagi ni Mikee na crush niya ang isang Kapuso heartthrob, “Alam naman niya [kasi] sinabi ko din naman sa kanya na crush ko siya. Si Kristoffer Martin. Iyon ang type ko, moreno [at] chinito.”

Inusisa naman ng aktres ang kanyang co-star ngunit hindi ito sinagot ni Kate, “Ayaw ko nga. Ang daling hulaan.”

Hindi pumayag si Mikee na hindi malaman ng viewers kung sinong natitipuhan ni Kate sa showbiz. Sa 120 feet freefall ride sa Dahilayan Adventure Park, doon siya napasigaw kung sino ang kanyang crush.

“Okay, fine. Si Kuya Gil Cuerva!” sigaw ng dalaga. Ipapakilala raw sa kanya ni Mikee ang gwapong My Love from the Star leading man.