'Running Man Philippines' star Lexi Gonzales is happy to prove their doubters wrong

Kita sa mukha ng Kapuso actress na si Lexi Gonzales ang labis na saya sa panayam nito sa GMANetwork.com ngayong hapon, September 21, sa dami ng papuri at mataas na ratings na nakukuha ng show nila na Running Man Philippines.

Sa katunayan, patuloy na umaakyat ang TV ratings nito tuwing Sabado at Linggo simula pa noong world premiere ng reality show last September 3.

Lahad ni Lexi, masarap sa pakiramdam na nagawa nilang mag-deliver ng isang quality at highly entertaining show.

Aniya, “Sobrang natutuwa kami. I mean, at first kasi nakakatanggap kami ng halu-halong comments and hindi lahat ng comments natatanggap namin positive.

“Although, at the time na nagsho-shoot pa kami sa Korea, sobrang na-appreciate na namin 'yung mga supporters talaga ng Running Man Philippines. But then, now, it's overwhelming na nakikita namin 'yung success ng show. And sobrang masaya kami, kasi lahat ng boss, lahat ng staff, they gave their heart talaga for the show.

“Kaya sobrang natutuwa ako nagpi-pay off 'yung paghihirap namin.”

Dagdag pa ng StarStruck First Princess, fulfilling na napatunayan nilang mali ang kanilang doubters.

“Yes of course! I mean, part na talaga 'yun na parang, 'Oh 'di ba! Kaya namin 'to.' It's a good show. At first, marami lang nag-doubt, but we're doing well now. Masaya!”

Kung ang ilang fans ay humihirit na ng Season 2 for Running Man Philippines, ganito rin ang hiling ni Lexi Gonzales at mga kapwa niya Runners.

Aniya, “Kami rin guys, kami rin gusto rin namin ng Season 2, everyone.

“We're praying also and hoping. I think we share the same laughs and sentiments also with the viewers. Kaya nakakatuwa kasi parang pareho tayo ng utak.”

Subaybayan ang mga exciting race sa Running Man Philippines tuwing Sabado ng gabi, 7:15 p.m. Mapapanood naman ito pagkatapos ng Happy ToGetHer sa Linggo sa oras na 7:50 p.m.

LEARN MORE ABOUT LEXI GONZALES IN THIS GALLERY: