Jasmine Curtis-Smith overwhelmed by good reviews about her performance in 'Sahaya'

“Ako rin nabitin. Gusto ko rin tumagal pa dun.”

Ito ang nasabi ni Jasmine Curtis-Smith nang sabihin sa kaniyang maraming masugid na manonood ang humiling na sana ay magtagal pa siya sa Sahaya.

Si Jasmine ang gumanap bilang dalagang Manisan, na naging ina ni Sahaya. Ito ay ginagampanan ngayon ni Mylene Dizon.

Gayunman, walang anumang panghihinayang daw na naramdaman si Jasmine kahit sandali lang siya sa GMA Telebabad series.

“Okay lang kasi, that in itself, that's an experience for me to feel that and to see what it feels like on a grander scale. Iba rin naman ang TV, 'di ba, when you reach the mass audience.

“I'm overwhelmed, I don't know what to say,” sabi ni Jasmine nang makausap siya ng GMANetwork.com at iba pang entertainment reporters sa ginanap na press conference ng pelikulang Maledicto kahapon, April 16.

Sa kabila ng pagiging mahusay niya sa pag-arte, katulad ng pagganap niya bilang Manisan, nakararamdam pa rin daw ng kaba si Jasmine.

Kuwento niya, “In Sahaya, I was very afraid na baka sabihin ng mga tao na matanda na agad ang role ko.

“O kaya, hindi naman ako bagay dun kasi hindi naman ako mukhang Badjaw o hindi ako mukhang ganito o ganyan. Ang daming possibilities.

“I think nandun ako sa technical things of how people will read a role and how I portray it rather than kung magaling o hindi.

“'Mukha bang totoong umiiyak siya?' Nandoon ako sa baka sabihin nila hindi ako totoong Badjaw o hindi ako taga- kung saan mang bansa o probinsiya.”

Diin pa ng Filipino-Australian actress, “Let's face the fact, I mean, I am half-white.

“Hindi mo rin mabubura 'yon, na mayroon ding gusto nila ng representation all the time.

“So, kailangan din maging hypersensitive for that. So, nandun lagi 'yung pressure on the sensitivity of appropriation.”

Netizens laud Jasmine Curtis-Smith's superb acting as young Manisan in 'Sahaya'

Samantala, may ilang manonod ang nagkomento na tila underrated actress ang nakababatang kapatid ni Anne Curtis.

Kung si Jasmine ang tatanungin, hindi naman daw niya ito nararamdaman.

“I don't feel [underrated]. I feel naman na I've been used in the appropriate venues.

“If people feel that I am underrated, thank you. It can only mean well,” aniya.

Para kay Jasmine, may kani-kaniyang pagkakataon ang mga aktres para mapansin ang galing sa pag-arte.

“Maybe this is just the beginning. Tingnan n'yo naman yung mga artista, yung mga career nila, it doesn't always take off from day one or the first five years. In my case, my first nine years.

“May mga iba diyan, after 20 years pa or when they're in their 40s na, saka sila sisikat. I mean, sana hindi umabot 'til my 40s pa.”

Mas mahalaga raw kay Jasmine na tuluy-tuloy ang kaniyang trabaho bilang artista.

“Ako naman, as long as there's work, I feel like you're not underrated as long as people know your presence.

“For me, the most important people to know my presence are my producers, my directors, and secondary, of course, the audience.

“As long as you know how to prioritize and network yourself, never ka namang magiging underrated sa industry.”