Dennis Trillo, nakaalalay kay Jennylyn Mercado sa action scenes nito sa bago nilang serye
Around GMA
Around GMA
St. Luke's inhaler clinic opens to improve asthma, COPD patient care Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Bibida ang Kapuso couple na sina Dennis Trillo at Jennylyn Mercado sa GMA Prime series na 'Sanggang Dikit FR' na mapapanood na sa Hunyo.
Matapos ang successful onscreen projects niyang Green Bones at Pulang Araw, talaga namang tuloy-tuloy ang blessings kay Dennis Trillo.
Bago pa man ang kanyang 44th birthday sa Lunes, May 12, natupad din ang isa niyang wish na magkaroon sila ng action series ng asawa niyang si Jennylyn Mercado.
Bibida ang Kapuso couple sa GMA Prime series na Sanggang Dikit FR na mapapanood na sa Hunyo.
Ayon kay Dennis, nakabantay at nakaalalay siya kay Jen sa mga ginagawa nitong action scenes para sa bagong serye.
"Matagal na siyang 'di gumawa ng mga gano'n so kailangan bantayan talaga 'yung tamang form kasi do'n makikita na kapani-paniwala na tama 'yung porma mo sa lahat ng action scenes na ginagawa mo," sabi ng MMFF 2024 Best Actor sa panayam ni Lhar Santiago sa 24 Oras noong Huwebes, May 8.
Pulis ang role nina Dennis at Jennylyn sa Sanggang Dikit FR kaya puspusan ang kanilang training para sa action series.
Sa katunayan, nag-aral pa ang aktres ng gun shooting at jiu-jitsu para sa kanyang karakter.
Mapapanood din sa Sanggang Dikit FR sina Liezel Lopez, Roi Vinzon, Al Tantay, Sam Pinto, Marina Benipayo, Arthur Solinap, Kiel Rodriguez, Matthew Uy, at Seb Pajarillo.
Meron ding guest appearance sa upcoming series sina Glydel Mercado at Patricia Coma.
Ang Sanggang Dikit FR ay mula sa direksyon ni LA Madridejos at sa produksyon ng GMA Entertainment Group.
Related content: Photos that prove Jennylyn Mercado and Dennis Trillo are perfect for each other
