WATCH: Mommy Teresita Velasquez, inungkat ang relationship status nina Alden Richards at Maine Mendoza

Nabalot ng kilig ang Sarap Diva sa pagdating nina Alden Richards at Maine Mendoza nitong Sabado para sorpresahin ang ina ni Regine Velasquez-Alcasid.

Ang Aldub ang naging sorpresa ng Sarap Diva para sa 70th birthday celebration ni Mommy Teresita Velasquez o mas kilala ng lahat bilang Mommy V. Kitang-kita naman ang tuwa ng ina ni Regine nang makita ang kanyang paboritong tambalan.

Sa kanilang  kuwentuhan, hindi nakaligtas sina Alden at Maine kay Mommy V dahil tinanong nito ang estado ng kanilang relasyon. Kuwento ni Mommy V, "Nagsabi ako sa kanya (Alden), so kayo na ba talaga?" 

Itinuro naman ni Mommy V si Maine na sumagot umano ng "secret" sa kanya. Tinanong rin niya kung what you see is what you get ba ang kanilang estado at sinagot naman ito ni Alden na, "Oo, ganun 'yun Mommy."

Narito pa ang espesyal na luto ng Aldub at ang joke battle para sa birthday celebration ni Mommy V.