Around GMA

Article Inside Page

Muling bibida si Kyline Alcantara bilang kontrabida sa upcoming Philippine adaptation ng hit Korean drama series na Shining Inheritance.

Huling gumanap ang Sparkle star bilang kontrabida sa drama series na Kambal, Karibal.

Sa panayam ng GMANetwork.com kay Kyline, ikinuwento niyang propesyonal lahat ng kanyang co-stars at silang lahat ay magkakasundo sa set.

“Everyone is really professional when it comes to our specific jobs -- efficient, and walang halong showbiz. Pero lahat talaga kami nagkakasundo, surprisingly, kasi halos lahat ng mga kasama ko po doon ay first time kong makasama.

“My relationship with them [is] very light, very warm. Kasi lahat kami alam namin kung ano 'yung trabaho namin. Alam namin kung kailan magka-cut doon sa roles na ginagawa namin, we know our lines, we're really professional,” kwento niya.

Ayon kay Kyline, kakaiba ang kanyang role sa PH version ng Shining Inheritance at aniya'y mas pinarami ang plot twists ng kwento nito.

Aniya, “Sinasabi nila parang mas pinalaki and then may mga added characters also, and mas pinarami 'yung plot twist. At kung dramatic na 'yung first, mas dramatic pa itong Philippine adaptation ng Shining Inheritance.”

Patikim pa ni Kyline, “aggressive” ang kanyang role bilang Joanna Dela Costa sa serye. Puspusan din ang paghahanda ng aktres para sa kanyang karakter.

Aniya, “I read the script. I worked with Kate kasi before si Kate 'yung kontrabida ko and now I'm the kontrabida. And, siyempre, workshop din naman and pinanood ko, 'yung Dynasty kasi si Fallon parang siyang-siya talaga si Joanna. She's really outspoken, aggressive also, and she's very real. But, at the same time, you can connect with her kasi she's a human being.”

Abangan ang Shining Inheritance, soon sa GMA.

MAS KILALANIN PA SI KYLINE ALCANTARA SA GALLERY NA ITO.