Mikee Quintos at Mikoy Morales, nakakakulitan na ba si Cherie Gil sa 'Sirkus?'

Pasimula pa lang ang Sirkus pero todo na agad ang kulitan moments ng cast. Ani Mikoy Morales, "Makulit, sobra. Parang minsan nagiging cause of delay pa kami, eh. 'Pag magkakasama kami sa set."

Pero sino kaya ang pinakamakulit? Kuwento naman ni Mikee Quintos, "Ay, naku. May mga [kanya-kanyang] araw po kami, and minsan may mga [kanya-kanyang] oras, may ano 'yan sa clock na alternate ['yung kung sino 'yung makulit sa oras na 'yun]. Mai-stress kayo 'pag nakita n'yo kaming sabay-sabay kaming makulit."

Inamin naman ng dalawa na nag-alangan sila maging makulit sa harap ng veteran actress na si Cherie Gil, pero kalaunan ay nakakasama na rin nila ang aktres sa kulitan nila.

Ika ni Mikoy, "Nag-re-reading kami unang eksena na kasama siya, magkatabi kami ni Cherie Gil. [Sabi ko kay Mikee], 'Mikee, kaeksena natin si Cherie Gil. Mikee, kontrabida natin si Cherie Gil.' [Sagot naman ni Mikee], 'Oo nga, Mikoy, artista na tayo.'"

Kuwento naman ni Mikee, "Nagulat din ako sa kanya, na minsan napapatingin ako kay Mikoy. [Tanong ko kay Mikoy], 'Oi, okay lang ba itong ginagawa natin baka mapikon siya.' Pero hindi po." 

Panoorin ang buong report ni Lhar Santiago para sa 24 Oras:

Video courtesy of GMA News