Zephanie, grateful na naging parte ng 'Sparkle U: #Soundtrip'
“Sparkle U #SoundTrip wasn't just a musical series-- it was also our story.”
Sa ganiyang paraan sinimulan ng Kapuso singer and actress na si Zephanie ang kaniyang post. Dito, ipinahayag ng singer kung gaano siya ka-grateful na mapasama sa drama anthology series na Sparkle U: #Soundtrip.
Ibinahagi ni Zephanie ang ilang litrato niya at ng kaniyang castmates mula sa taping ng serye sa kaniyang Instagram account kalakip ang isang mensahe na puno ng pasasalamat.
“In every season, there's this one song that can describe the melody of our lives. Indeed, what is life without music? And as a song ends, there will be a new one that's being created,” sulat niya sa post.
Dagdag pa niya, “You are all a part of it. So thank you so much for making my melody so beautiful and memorable.”
Pinasalamatan niya ang mga co-actors at mga kaibigan niya sa #Frenemies at #Soundtrip, at sinabing sila ang nag-inspire sa kaniya “to always do my best and be better.”
“Thank you for all the learnings and memories!” ani niya.
KILALANIN ANG BUONG CAST NG 'SPARKLE U: #SOUNDTRIP' SA GALLERY NA ITO:
Pinasalamatan din niya ang Sparkle U production team, ang mga writers, at lahat ng staff and crew para sa effort, guidance at patience na pinakita nila sa kanilang mga artists.
“To my @gmanetwork , @gmadrama , @sparklegmaartistcenter , @cornerstone family-- thank you for believing in us. We were given such a wonderful opportunity to share and hone our skills,” sabi niya.
Nagpahatid din siya ng pasasalamat sa mga supporters at fans ng series, at kaniyang mga fans, “My loves, you never failed to inspire me as well. I am blessed to have you all beside me on this journey. Thank you for the never-ending love and support!”
Dagdag pa niya, “And of course, thank you God! Thank you for blessing me with such talented and kind people. I am grateful and proud to have worked with all of them!
Sa dulo ng post, inamin din ni Zephanie na mahal niya ang pagkanta at pag-perform, at sinabing hindi niya inaasahan na magugustuhan rin niya ang buhayin ang isang character.
“I can't wait to explore more of this world! I hope you'd still join me on the next one,” pagtatapos niya.