Yasmien Kurdi and Dion Ignacio to StarStruck hopefuls: 'Do your best'

"Do your best."

Ito ang tip na maibibigay ng StarStruck season 1 alumni na sina Yasmien Kurdi at Dion Ignacio sa mga gustong sumali sa reality talent search program ng GMA ngayong taon.

Sa panayam ng GMANetwork.com kina Yasmien at Dion sa story conference ng Hiram na Anak, sinabi nila na kailangangmagpakatotoo ng mga taong gustong sumubok sa pagiging artista.

#ThrowbackThursday: Look at Yasmien Kurdi and Dion Ignacio in 'Saan Darating ang Umaga?'

“Ang tip na mabibigay ko, e, gawin lang nila yung best nila, magpakatotoo sila and stay humble,” ani Yasmien.

Dagdag naman ni Dion, “Ibigay nila yung best nila sa lahat ng mga ipapagawa kasi para sa kanila din naman yun eh, para sa haharapin nilang future pag nag-artista sila."

Ibinahagi rin ng dalawa ang kanilang pinaka-hindi malilimutang alaala noong StarStruck days nila.

“Hindi ko makakalimutan yung mga challenges namin, yung mga mahihirap at 'yung samahan namin, kaming Starstruck alumni, sila Mark [Herras], Jennylyn [Mercado],” kuwento ni Dion.

Para naman kay Yasmien, pinakaayaw niyang parte ng StarStruck ay kung saan kailangan nila mag-vote out ng isa sa kanilang mga kasamahan.

Aniya, “Hindi ko makalimutan yung kailangan mo mag-vote out ng member, ng co-StarStruck mo, kasi nagiging friends kayo inside StarStruck so ang hirap na mamili kung sino ibo-vote out.”

“Pinakagusto ko namang part ng StarStruck ay' yung mga challenge. 'Tsaka kunwari, yung mga singing week, acting week, kasi may mga name-meet kaming mentors na marami kaming natututunan from them.”

Naiuwi ni Yasmien ang titulong First Princess samantalang hindi naman nakaabot sa Final 4 si Dion.

Si Mark Herras ang tinaguriang Ultimate Male Survivor, samantalang Ultimate Female Survivor naman si Jennylyn Mercado sa kauna-unahang StarStruck.