WATCH: Sino ang ukay-ukay princess na sumali sa 'StarStruck?'

Kilalanin si Anthonet Valenzuela, ang StarStruck season 7 hopeful na binansagang “ukay-ukay princess” ng Bacoor, Cavite.

Si Anthonet ay isa sa mga auditionees na pumila at sumubok sa #TheStarStruckExperience para tuparin ang pangarap na makapasok sa showbiz.

Nais niya umanong magsilbing inspirasyon pagdating sa self-confidence at self-expression.

IN PHOTOS: #TheStarStruckExperience begins

Kuwento ni Anthonet, sa kanyang pamimili ng damit sa ukay-ukay ay nadiskubre niyang hindi kailangang gumastos para maging fashionable.

"Gusto ko po ma-inspire 'yung other people na porket mahirap ka, hindi ka na puwedeng pumorma."

Dagdag pa niya, "Naniniwala po ako na it's not about the brand, it's how you showcase."

Kaya naman nag-iwan si Anthonet ng payo sa mga kabataang nais na maging confident sa kahit anong estado pa ng buhay.

"Basta be true to yourself and have confidence."

Panoorin ang kabuuang StarStruck story ni Anthonet: