WATCH: Marc David at Kyle Lucasan, patuloy na hahasain ang talento kahit hindi naging parte ng 'StarStruck' Final 14

Hindi pinalad ang hopefuls na sina Marc David at Kyle Lucasan na mapabilang sa StarStruck Final 14.
Sa pagtatapos ng kanilang artista journey sa StarStruck nitong June 16, determinado pa rin daw ang dalawa na hasain ang kanilang mga talento.

Kim De Leon, Dani Porter, Angelic Guzman, at Gelo Alagban, pasok na sa Final 14 | Ep. 2

Kuwento ni Marc, malaki ang kanyang pasasalamat na napasali siya sa original reality-based artista search.

"I'm just satisfied na I know I did my best tapos I am happy that I got this far which is actually a blessing and a privilege. Life goes on. I'm just happy na I was part of something big. I'm grateful."

Dagdag pa niya ay mag-e-enroll siya sa workshops, "I would enroll sa a lot more workshops...then baka i-pursue ko talaga 'yung acting. Kasi now I have my right foot forward sa industry. I know that I want it now."

Kanya ring natutunan na kailangang alamin ng isang artista hopeful ang strengths and weaknesses para manalo sa isang competition.

"Sa industriya, kailangan you really have to have your weapons. Kailangan alam mo kung saan ka magaling. You should work on that. Alam mo kung saan ka mahina. Also, work on that."

Si Kyle naman aminadong gustong manalo sa StarStruck pero naniniwala rin siyang lahat silang 22 hopefuls ay puwedeng manalo dahil sa kanilang mga talento.

"I accepted naman and everyone deserves to win."

Ngayong hindi na siya kabilang sa next step ng StarStruck, magwo-workshop si Kyle para hasain ang kanyang talento.

"Pagpupursigihan ko pa rin po 'yun of course kasi I'm very determined to achieve my dreams po."

Sa kanyang maiksing StarStruck journey ay natutunan ni Kyle na kailangan niyang galingan sa lahat ng performances na kanyang ipapakita.

"Always step it up, every step of the way...You have to take it up a notch all the time."

Panoorin ang kanilang usapan with Kyline Alcantara sa Inside StarStruck.