WATCH: Kim de Leon at Shayne Sava, handa na sa buhay artista
Handang-handa na sina StarStuck Ultimate Male and Female Survivors Kim de Leon at Shayne Sava na simulan ang kanilang buhay artista ngayong tapos na ang show.
Dahil sa mga pinagdaanan nilang artista challenges, mas preparado na raw silang simulan ang mga darating na proyekto na ibibigay ng Kapuso network.
Ani Kim, “Sa sobrang dami ng preparations, sobrang daming eksena o scenes, activities, performances dito sa StarStruck, sa tingin po namin ay ready na kami.”
Dagdag pa ni Shayne, “Kasi po 'yung StarStruck pinagawa na po sa amin lahat e --action, fantasy, comedy, drama -- lahat po nasubok na po namin.”
Kim de Leon and Shayne Sava are 'StarStruck' season 7 Ultimate Male and Female Survivors
Sa naganap na StarStruck Final Judgment, nag-uwi ng premyo ang dalawa at kabilang dito ang house and lot prize na ilalaan daw nila sa kani-kanyang pamilya.
Maiyak-iyak na saad ni Kim, “Hindi na po kami magtitiis sa maliit na inuupahan na dorm at hindi na rin po matutuloy ang pagbenta ng bahay namin sa Batangas.”
Panoorin ang buong chika ni Lhar Santiago:
Kim De Leon, nagpapasalamat sa kanyang narating sa 'StarStruck'