Richard Gutierrez at Sarah Lahbati, magsasama sa isang pelikula

Nagkaroon ng pagkakataon ang Startalk TX na makausap si Sarah Lahbati sa story conference ng pelikulang The Affair. Ito ay sa direksyon ni Direk Peque Gallaga at pagbibidahan nina Sarah at ng kanyang Makapiling Kang Muli leading man na si Richard Gutierrez.
 
“Medyo dark ‘yung story, but I think maraming makaka-relate dahil nangyayari din siya sa totoong buhay. ‘Yung mga characters, maraming makaka-relate dun. [It’s] exciting [dahil] first time ko makakatrabaho si Direk Peque,” masayang kuwento ni Sarah.
 
Dahil na rin sa sinabi niyang theme ng movie, naitanong tuloy ng Startalk TX team kung ready ba siyang magpaka-daring dito. “I don’t think na ire-require siya ng role ko, pero depende. But I’m very open-minded, I’m willing to do anything para gumanda ‘yung story and mabigyan ko ng justice ‘yung role,” she explains.
 
Hindi rin naiwasang maungkat ang pagpunta nila ni Richard sa Boracay recently. Ayon kay Sarah, kasama daw nila ang kani-kaniyang mga pamilya. “Nag-Bora lang, kami na? I was with my mom, my nephew. Siya naman, kasama niya ‘yung brothers niya, so marami kami. Nag-enjoy kami and we’re very happy that we got to unwind.”
 
Kasunod ng Boracay vacation ay sa Europe naman ang tungo ng dalawa. “Sinabi niya sa akin that he might go to Germany, and I told him that I am going to Switzerland, and then Paris. So sabi namin, why not magkita somewhere since ilang oras lang ‘yun sa Switzerland. But we’ll see kasi kaunti lang din ‘yung time na binigay sa amin,” she further shares.
 
Napabalitang botong boto ang family ni Chard kay Sarah. Ganoon din kaya ang nararamdaman ng parents niya towards Richard?
 
“My dad met him na. Si Mama din kapag sumasama sa taping, na-meet niya si Chard. Nagkakasundo sila, natutuwa sila kay Chard kasi mabait,” sagot niya.
 
Gusto man daw ng maraming tao na magkatuluyan sila ni Chard ay hindi nila mapagbibigyan ang mga ito ngayon. “Right now we’re very focused with our work and darating ‘yung tamang time para diyan. Kumbaga ngayon, ‘yung utak namin nasa trabaho, but we’re happy.”
 
Abangan sina Sarah Lahbati at Richard Gutierrez sa pelikulang The Affair, at sa Party Pilipinas every Sunday. -- Michelle Caligan, GMANetwork.com