Bagong teaser ng Stolen Life, ikina-excite ng netizens

Excited na ang mga netizens sa nalalapit na pagsisimula ng bagong Kapuso serye na Stolen Life, ang GMA Afternoon Prime serye na pagbibidahan nina Carla Abellana, Beauty Gonzalez, at Gabby Concepcion.

Sa bagong teaser ng show, ipinakita na magkakapalit ng katawan sina Lucy at Farrah. Si Carla ay ang gaganap na Lucy at si Farrah naman ay ang karakter na gagampanan ni Beauty. Samantala, mapapanood naman sa afternoon drama na ito si Gabby bilang Darius, ang asawa ni Lucy.

Ayon sa netizens, excited na sila na makita ang kakaibang istorya ng Stolen Life.

Komento ng isang netizen, "THIS IS A TWISTER"

"Kaabang abang na naman 'to" saad naman ng isang netizen.

PHOTO SOURCE: Facebook/ YouTube

Samantala, may isa ring nagkomento sa pagsasama sama nina Carla, Beauty, at Gabby sa Stolen Life, "Ay, kabog mga artist!"

Mapapanood na ang Stolen Life sa darating na Nobyembre sa GMA Afternoon Prime at sasailalim sa direksyon ni Jerry Sineneng.