'The Clash' contestants, isa raw sa dapat abangan sa 'Studio 7' ayon kay Christian Bautista

Sa press conference para sa upcoming musical variety show ng GMA Network na Studio 7, natanong ang cast kung nape-pressure sila sa ratings, lalo na't mataas ang ratings ng sinundan nilang show, ang The Clash.

Sagot agad ni Mark Bautista, "Sa The Clash, nandun si Christian [Bautista]. Dito, nandito si Christian. So, walang problema 'yan. Walang pressure. Kung mataas ang [The] Clash, si Christian ang bahala dito."

Ika naman ni Christian, "May pressure, but tama naman si Mark na ang susundan talaga ng tao is the Clashers. Kasi aabangan talaga nila 'yung growth nila, beginnings. It's not even me or the judges, it's the Clashers. So saktong-sakto para sa kanila, right after matapos 'yung grand finals, pasok agad 'yung musical variety show. Same time slot. Same audience. 'Yun talaga, ang perfect talaga for them."

Makakasama ni Mark at Christian sa Studio 7 sina Migo Adecer, Kyline Alcantara, Christian Bautista, Mark Bautista, Rayver Cruz, Donita Nose and Tekla, Gabbi Garcia, Cassy and Mavy Legaspi, Mikee Quintos, Julie Anne San Jose, at Kate Valdez.

At siyempre si The Clash Champion Golden Canedo, Clashers Garrett Bolden, Jhong Madaliday, Josh Adornado, at Mirriam Manalo.

Kuwento pa ni Mark, "Sobrang excited kami after more than three years na meron ulit variety show ang GMA, and mabibigyan na naman ng platform ang lahat ng artists dito. And happy kami."