'God Gave Me You' singer Bryan White, nagpasalamat sa AlDub at AlDub Nation

By CHERRY SUN

Bumisita ngayong araw (November 29) sa Sunday PinaSaya ang God Gave Me You singer na si Bryan White.

Una siyang lumabas sa ‘KantaSerye’ segment ng comedy musical-variety show kung saan nakasama ng American artist ang ilan sa mga hosts ng programa.

“I love it. Great job, it’s amazing. It looks exactly like a winter wonderland except there’s no snow,” sambit niya makaraang mag-perform ng isang Christmas carol.

Naka-bonding din ni Alden Richards si White sa palabas. Kinuha ng original God Gave Me You singer ang pagkakataon para magpaabot ng pasasalamat sa suportang natanggap para sa kanyang kanta.

Aniya, “First of all, I just want to say thank you for the support of God Gave Me You. It means a lot to me, too.”

“We owe it to the AlDub Nation,” naman ang naging tugon ni Alden.

Patuloy ang pasasalamat ni White sa kanyang Instagram post. Wika niya, “Really enjoyed being a part of @gmasundaypinasaya today. Thanks @aldenrichards02 and everybody for making me feel at home. Really fun!”
 

Sa December 1 ay gaganapin ang concert ni White sa Smart Araneta Coliseum. Inimbitahan din niya rito bilang kanyang guests sina Alden at Maine Mendoza.

“My friend, you and Maine are invited. Please come to the show,” pa-anyaya niya.