#Deserve talaga nina Boobay and Tekla ang pagbida sa digital comedy show at ngayo'y Sunday night TV program na 'The Boobay and Tekla Show!' Alamin kung bakit kabilang sa top Pinoy comedians ang fun-tastic duo sa gallery na ito.
Mataba ang utak! Ganyan sina Boobay at Tekla sa kanilang pagbitaw ng mga mabibilis, nakatatawa, at minsa'y matatalim na banat.
Mas keri nila ang self-depricating humor dahil naniniwala sina Boobay at Tekla na hindi kailangang manlait ng iba para magpatawa.
Riot lang sa tawanan pero walang rivalry at sapawan sa pagitan nina Boobay at Tekla. Pansin ang chemistry ng fun-tastic duo dahil may kanya-kanya silang moment para bumida at magpatawa.
Panalo sa puso ng mga OFW sina Boobay at Tekla. Sagot sa homesickness, napaparamdam nilang nasa Pilipinas lang ang ating mga Kapuso abroad dahil sa entertainment na hatid nila.
Palakihan ng wig at pabonggahan ng outfit! Hindi magpapatalo riyan sina Boobay at Tekla. Hitsura pa lang, nakakatawa na, 'di ba?
Walang mairereklamo sa work ethics ng ating fun-tastic duo.
Sa iba't ibang GMA shows tulad ng 'Unang Hirit,' 'Celebrity Bluff,' 'Dear Uge' at kahit drama series at pati na rin comedy bars, napanood na natin sina Boobay at Tekla. Ibang level talaga ang kasipagan ng dalawa.
Sa kabila ng success na tinatamasa ng kani-kanilang career at ng kanilang comedy show na 'The Boobay and Tekla Show,' hindi nakalilimutan ng fun-tastic duo ang kanilang humble beginnings at pagpapakita ng pasasalamat.
Learning never stops para sa ating fun-tastic duo. Maliban sa mga lesson na natutunan nila sa trabaho at kanilang mga katrabaho , ume-effort din silang maging maalam sa current affairs dahil maaari raw silang humugot dito ng punch lines.
Kung ano ang kailangan, sure na gagawin 'yan nina Boobay at Tekla.
Comedy, drama, action at kahit singing, all-out performer talaga ang dalawang very talented na komedyante.
Priority nina Boobay at Tekla ang pagpapasaya sa inyo, mga Kapuso! Kaya para non-stop ang good vibes at laugh trip, tutok na sa 'The Boobay and Tekla' show sa TV simula January 27 at sa GMANetwork.com/TBATS, GMA Network YouTube channel, at GMA Network Facebook page tuwing Huwebes!