Jason Abalos at Vickie Rushton, witness sa away nina Boobay at Tekla

Nasaksihan mismo ng celebrity couple na sina Jason Abalos at Vickie Rushton ang nangyaring away sa pagitan nina Boobay at Tekla dahil sila ang special guests sa bagong episode ng The Boobay and Tekla Show (TBATS).

Kabilang sina Jason at Vickie sa mga mapapanood sa episode ng TBATS ngayong Linggo, September 20.

Ang magkasintahan ang tampok sa segment na "Tape Mo, Mukha Mo," kung saan nagkapikunan sina Boobay at Tekla.

Ang segment na ito ay isa sa mga bagong segment na dapat abangan sa Kapuso comedy variety show.

Ang isa pang bagong segment ng TBATS ay ang "In The Boxxx,” kung saan huhulaan naman nina Boobay at Tekla ang laman ng isang mystery box.

Sa pagbabalik-taping ng TBATS, muli na ring napanood ang "Dear Boobay and Tekla" at ang iba pang mga bagong kalokohan, pranks, at jokes ng fun-tastic duo.

Tuluy-tuloy ang laugh trip kahit may krisis! Tutok na sa The Boobay and Tekla Show ngayong Linggo, September 20, pagkatapos ng Kapuso Mo, Jessica Soho!