Mema Squad, na-threaten kina Anthony Rosaldo at Mariane Osabel?

Ipinamalas nina The Clash Season 4 grand champion Mariane Osabel at Season 1 finalist Anthony Rosaldo ang kanilang vocal talents sa episode ng The Boobay and Tekla Show (TBATS) nitong Linggo (May 1).

Sinimulan nina Mariane at Anthony ang TBATS sa pamamagitan ng pag-awit ng sikat na kantang “Sana Maulit Muli.” Matapos ito, tila na-threaten daw ang Mema Squad na sina Jennie Gabriel, John Vic De Guzman, Pepita Curtis, at Ian Red sa mga singer tulad nina Mariane at Anthony.

Sumabak naman ang dalawang Kapuso singers at Mema Squad sa isang nakatutuwang sing-off, kung saan inawit nila ang mga sikat na kanta noong '70s hanggang 2020s.

Dito, kinanta ni Anthony ang hit track ng bandang Queen na “Bohemian Rhapsody” at inawit naman ni Mariane ang “Stone Cold” ng American singer na si Demi Lovato.

Bukod dito, sumalang sa isang riot edition ng “Don't English Me” sina NCAA courtside reporters Lance Santiago at Aya De Quiroz. Bago nagsimula ang laro, nagbigay muna ng sample sina Lance at Aya ng kanilang pagre-report kasama ang fun-tastic duo.

Para sa mas marami pang kwentuhan at non-stop tawanan, subaybayan ang The Boobay and Tekla Show tuwing Linggo sa GMA pagkatapos ng Kapuso Mo, Jessica Soho.

Samantala, muling balikan ang hottest “May Pa-Presscon” episodes ng TBATS noong 2021 sa gallery na ito.