Derek Ramsay, nag-iingat para hindi mabastos ang kanyang 'The Better Woman' co-star na si Andrea Torres

Dahil sa dami ng sexy scenes sa upcoming GMA Telebabad series na The Better Woman, lubos daw ang pag-iingat ni Derek Ramsay sa kanyang leading lady na si Andrea Torres.

Sinisugurado raw niyang lagi siyang maingat at magalang para hindi ito mabastos.

"I work hard so that she can trust me. She's got a lot of really intense scenes and lots of sexy scenes. For me, the most important is that I get that trust, that she's comfortable with me. I make sure that she's protected all the time," bahagi ni Derek.

Inalala pa niya ang isang eksena kung saan kailangang magtanggal ni Andrea ng damit habang nasa tubig.

"Grabe 'yung professionalism nitong si Andrea eh. Kasi when they said, take off the top and malalaglag siya sa surfboard, pwede naman dayain 'yun eh. Pero siya, she's like no. So for me, I make sure I protect her," aniya.

Malaking bagay rin daw para sa kanya na marinig na komportable sa kanya ang kanyang co-star.

"That's nice. That's my objective. I want her to feel safe because when she feels safe, it's not on the back of her head while she's acting. That's what I work hard to make my leading lady feel safe," pahayag ni Derek.

Abangan sina Derek at Andrea sa hottest primetime drama sa bansa na The Better Woman, simula July 1, pagkatapos ng Sahaya sa GMA Telebabad.