Around GMA

Article Inside Page

Sa kanyang Facebook post, inalala ng Kapuso diva na si Jessica Villarubin ang mga pagbabago sa kanyang buhay matapos manalo sa third season ng The Clash noong 2020.

Apat na taon na ang nakalilipas nang lumuwas ng Maynila mula Cebu si Jessica para subukan ang kanyang suwerte sa GMA musical competition.

Marami siyang isinakripisyo, gaya ng pag-alis sa kanyang dating trabaho bilang isang hotel singer sa kabila ng pagiging breadwinner.

Bukod sa pinansyal na pagsubok, hindi naging madali ang kanyang journey dahil kasagsagan iyon ng COVID-19 pandemic.

Pagbabalik-tanaw ni Jessica, "September 2, 2020. The day when I took the courage to follow my dream without knowing what's ahead of me.

"Quit my job, left my family in Cebu, worried about my health because this was the peak of Covid cases, borrowed my auntie's luggage, held a small amount of money hoping it would be enough for 4 months of the competition."

Dugtong niya, "Looking back on my journey, it was not easy!"

"REJECTIONS, DISAPPOINTMENTS, FAILURES. I even came to the point of questioning God…But I guess it was all part of our life and it's necessary for growth."

Sa kabila ng mga pagsubok na kanyang pinagdaanan, thankful si Jessica sa itinakbo ng kanyang career matapos tanghalin bilang ikatlong grand champion ng The Clash matapos sina Golden Canedo at Jeremiah Tiangco.

Patuloy niya, "Winning The Clash changed my life not just for me but for my family! And I'm proud of myself, for making it this far. I'm forever grateful to the people who helped me, and believed in me.

"Most of all thank you Lord God for everything, it was all because of you. Always!

"And still we don't know what the future holds for us, but we may always find a reason to continue. May we all achieve those dreams that we've been praying for! Malayo pa, pero malayo na."

Pagtatapos ni Jessica, "PADAYON! You'll never know, unless you try."

“When the time is right, I the lord will make it happen.” Isaiah 60:22
For I know I have plans for you, declares the Lord,” plans to give prosper you and not to harm you, plans to give you hope and a future. “ Jeremiah 29:11"

Sa kanyang comments section, itinuloy ni Jessica ang mga privilege na natanggap niya bilang isang GMA artist, katulad ng pag-enhance sa kanyang pisikal na hitsura sa tulong ng celebrity dermatologist na si Dra. Vicki Belo.

Aniya, "GUMANDA DIN AKO GUYS HA! Hahahahahaha tas na manifest ko yaaan na si BELO ang gusto ko mag retoke sakin!!! Kasi lumaki ako na na bully din ako, naalala ko nung high school ako, sabi ko magpapa BELO talaga ako.. tas diba! Galiiiiiinggggg"

Bukod pa rito, nakapag-uwi si Jessica ng PhP 1 million in cash, house and lot, bagong sasakyan, at exclusive management contract sa Sparkle bilang The Clash winner.

Sa ngayon, kinikilala si Jessica bilang isa sa mga magagaling na singer ng GMA. Kasalukuyan siyang napapanood sa All-Out Sundays kung saan parte siya ng singing group na Queendom.

Kasama niya rito sina Julie Anne San Jose, Rita Daniela, Hannah Precillas, at kapwa niya The Clash graduates na sina Thea Astley at Mariane Osabel.