Pag-awit ni Aiai Delas Alas ng rap verse ng kantang 'Bang Bang,' viral sa social media

Viral ngayon sa social media ang special production number ni Aiai Delas Alas kasama ang all-female quartet na XOXO sa The Clash noong Linggo, November 3.

Inawit nila ang kantang "Bang Bang" na pinasikat nina Ariana Grande, Nicki Minaj, at Jessie J.

Noong Miyerkules, November 6, in-upload ng isang netizen na nagngangalang Dennis Kwong sa Facebook ang parte ng performance ni Aiai kung saan nagra-rap ito at nilagyan ng caption na "Nicki Minaj Who???"

Mapapanood kasi sa video na hindi mabigkas nang tama ng 54-year-old comedienne ang lyrics ng rap verse ng kantang "Bang Bang" na orihinal na inawit ng American rapper na si Nicki Minaj.

As of writing, mayroon nang mahigit 117,000 views, 7,000 shares, 5,000 reactions ang naturang post sa Facebook.

Panoorin ang buong performance nina Aiai at XOXO ng "Bang Bang" dito:

Aiai Delas Alas, sinabing marami pang magaganap na twists sa 'The Clash'