Julie Anne San Jose, Christian Bautista, Golden Cañedo, Jeremiah Tiangco at Lani Misalucha, nagpatikim ng kanilang mga bagong single sa 'The Clash Reunion Live'
Bukod sa pagbibigay ng online audition tips, nagkaroon ng mini-concert sina Julie Anne San Jose, Christian Bautista, Golden Cañedo, Jeremiah Tiangco, at Ms. Lani Misalucha sa The Clash Reunion Live online show noong Sabado, May 2.
Habang nasa kani-kanilang mga tahanan, naghandog sila ng fun online musical experience sa pamamagitan ng pag-awit ng kanilang mga bagong single.
Kinanta ni Julie Anne ang kanyang single na "Better," samantalang kinanta naman ni Lani ang "I Can't Give Anymore."
Pineform ni Christan ang "Bukas Wala Nang Ulan" kasama si Janine Teñoso.
Sa kabilang banda, kinanta ng The Clash Season 1 Grand Champion na si Golden Cañedo ang kanyang third original single na "More Than Anyone" na ini-release ng GMA Music noong 2019.
Inawit naman ni Jeremiah ang kanyang debut single na "Titulo" na pinerform niya noong itinanghal siyang The Clash Season 2 Grand Champion.
Panoorin ang kanilang mini-concert sa The Clash Reunion Live:
RELATED CONTENT:
PANOORIN: Ang criteria para sa online auditions ng 'The Clash'