Topper Fabregas, nakaramdam ng kaba bilang singer sa OST ng 'The Lost Recipe'
Inamin ni Topper Fabregas na may naramdaman siyang kaba nang inalok umano siyang kumanta para sa OST ng The Lost Recipe.
Ang The Lost Recipe ay ang bagong romance-fantasy series na pagbibidahan nina Mikee Quintos at Kelvin Miranda. Sila ang gaganap ng lead roles na Chef Apple Valencia at Chef Harvey Napoleon simula ngayong January 18.
Kuwento ni Topper, na-flatter siya na pinagkatiwalaan siyang maging performer para sa OST ng bagong serye na handog ng GMA Public Affairs.
Photo source: @topperwhere
"I was super flattered that they asked me to sing one of the weekly theme songs for The Lost Recipe, at 'yung love theme pa!"
Inamin ng aktor na gaganap sa karakter na Alfredo Legazpi na kinabahan siya sa recording.
"I'll admit kinabahan ako kasi 'di naman ako singer talaga. I sing sa stage pero musical theater siya so I sing through the character that I'm playing."
Binahagi din ni Topper na na-intimidate siya sa kanyang ka-duet na si Hannah Precillas. Si Hannah ay kilala bilang OST Princess ng GMA at produkto ng singing competition na Bet ng Bayan.
Sina Topper at Hannah ang napiling kumanta ng "No Matter What It Takes."
"I'm not very confident to sing just as myself and na-intimidate ako kasi Hannah is legit. But it was very fun to be a recording artist for a day!"
Naka-relate umano si Topper sa kanta dahil kuwento ito ng pag-ibig at pagbibigay ng lahat para sa taong minamahal.
"Of course naman, who can't relate to giving your one hundred percent when you're in love. It's also a very catchy song, I haven't stopped humming it since I learned it. Love na love theme talaga siya."
Abangan ang kanta nina Topper at Hannah at ng iba pang cast ng The Lost Recipe tulad nina Mikee Quintos, Kelvin Miranda, Paul Salas, at Crystal Paras. Subaybayan rin ang mga handog na awitin ng Clashers na sina Jennifer Maravilla, Jessica Villarubin, at Jeremiah Tiangco.
Ang nakakakilig at exciting na pilot episode ng The Lost Recipe ay mapapanood na bukas January 18, 8:00 p.m. sa GMA News TV.
Theater actor and director Topper Fabregas shares why he accepted the TV role in 'The Lost Recipe'
'The Lost Recipe' actor Topper Fabregas, nominated na best supporting actor sa FAMAS