Opisyal na ipinakilala sa media ang Kapuso stars na bibida sa bagong GMA Afternoon Prime soap.
Ang Barangay LS 97.1 radio DJ ang nagpakilala sa Kapuso stars at ang mga produkto ng Coco Bella.
Gagampanan ng batikang aktor si Mario dela Rosa, ang asawa ni Luisa at ama ni Mayumi. Makukuha niya ang jackpot sa lotto ngunit aatakihin siya sa puso.
Nagbabalik sa GMA Afteroon Prime ang dating 'Buena Familia' star bilang si Brenda Salvador, ang kontrabidang asawa ni Hernan at ina ni Isabelle.
Ito ang showbiz comeback ni 'Eat Bulaga' Girl Gracia matapos ang halos dalawang dekada. Siya si Daphne Soriano, ang fierce tita ni Isabelle at executive assistant ni Hernan.
Si Hernan Salvador ang ama ni Isabelle na nagmamay-ari ng kumpanya na pagtatrabahuhan ni Mayumi dela Rosa. Mapapangasawa niya ang ina ni Mayumi na si Luisa.
Si Luisa dela Rosa ang butihing ina ni Mayumi. Mahuhulog ang kanyang loob kay Hernan at magiging stepdaughter niya si Isabelle.
Si Isabelle Salvador ang isa sa mga stepdaughters. Magiging kahati niya si Mayumi dela Rosa sa pamilya, karera, kayamanan at buhay pag-ibig.
Ang ex-boyfriend ni Isabelle na si Francis Almeda ay mafo-fall kay Mayumi. Pag-aagawan siya ng dalawang palaban na babae.
Lalabanan ni Mayumi dela Rosa si Isabelle, ang kanyang mortal na kaaway na magiging stepsister niya sa pag-iisang dibdib ng kanilang mga magulang.
Sino ang inyong mamahalin--si Mayumi o Isabelle?
Ito ang dramang aabangan ninyo tuwing hapon sa GMA Afternoon Prime. Mapapanood na ang 'The Stepdaughters' simula ngayong February 12.