Julie Anne San Jose, itinuturing na big break ang maging coach ng 'The Voice Generations'
Around GMA
Around GMA
Balitanghali Livestream: December 17, 2025 GMA Network transitions to cloud-based IP distribution via partnership with Synamedia and Telered Technologies and Services Corp. Dawn fire razes 7 houses in Estancia, IloiloArticle Inside Page
Showbiz News
Isa si Julie Anne San Jose sa apat na superstar coaches ng 'The Voice Generations' sa GMA.
“Definitely, it's a big break for me.”
Ito ang masasabi ni Asia's Limitless Star Julie Anne San Jose tungkol sa kaniyang pagiging coach sa first-ever The Voice Generations in Asia na mapapanood sa GMA Network.
Nagpapasalamat naman si Julie Anne sa tiwalang ibinibigay sa kaniya ng GMA na maging isa sa coaches ng nasabing singing competition.
Aniya, “Siyempre 'yung trust ng GMA and 'yung napili ako na maging coach and mentor talagang nakakataba talaga ng puso.”
Dagdag pa niya, “It's my first time na mag-me-mentor ng talents, I'm kinda nervous, but I'm very very excited to witness very talented and amazing people, amazing groups.”
Ayon pa sa singer-actress, alam niya ang hirap ng pagsali sa isang kompetisyon dahil nagsimula rin siya noon sa pagiging isang contestant.
“I also came from a competition [and] it wasn't an easy one. It's challenging, kahit na mga bata pa kami no'n.”
Game na game din si Julie na ibahagi sa kaniyang magiging team ang mga aral na kaniyang natutunan sa mga pinagdaanan niya sa singing competitions.
“When I was in PopStar Kids naranasan ko rin 'yung hirap nung proseso kung ano 'yung feeling ng nasa competition 'di ba? So you'll really want to work on your performances every now and then kailangan talaga lagi ka talagang may bago so I also want to impart those experiences to the talents na kung sino man 'yung mga iko-coach ko or ime-mentor ko,” ani Julie.
Excited na rin si Julie na makatrabaho ang kaniyang fellow coaches sa The Voice Generations na sina Billy Crawford, Stell Ajero, at Chito Miranda.
“Excited din ako kasi I'll be working alongside Billy Crawford, Chito Miranda, si Stell ng SB19. [They are] also very kind and really passionate artists,” masayang sinabi ni Julie.
Mapapanood din dito bilang host si Kapuso Primetime King Dingdong Dantes. Ang The Voice Generations ay ang newest spin-off ng biggest singing competition sa mundo na The Voice mula sa ITV Studios. Mapapanood ito for the first time hindi lamang sa Pilipinas kundi pati na rin sa buong Asya via GMA Network.
Para sa iba pang showbiz and entertainment updates, bisitahin ang GMANetwork.com.
KILALANIN ANG THE VOICE GENERATIONS COACHES SA GALLERY NA ITO:
