Around GMA

Article Inside Page

Inamin ng Parokya Ni Edgar frontman na si Chito Miranda na talagang hesitant siya pagdating sa mga imbitasyon na maging bahagi ng TV programs, pero maraming bagay ang kumumbinsi sa kanya na maging isa sa mga coach ng The Voice Generations.

Kuwento ni Chito sa GMANetwork.com, “I'm always hesitant when it comes to being invited to TV shows because I'd rather be in a band, ang gusto ko lang maging musikero.”

Ayon pa sa Pinoy rock icon, kakaibang experience ang maging coach sa isang show at hindi na rin bago sa kanya ang maging mentor dahil nagtuturo na rin siya ng mga singer at songwriter noon.

Aniya, “With The Voice Generations, it's a totally different experience kasi ito naman e coach ako. I was hesitant at first pero I was also excited because I've been mentoring singers and songwriters since 2010.

“Every year, we do that with Jim Paredes, Ryan Cayabyab, and Noel Cabangon. This is not a new experience for me to coach or to be a mentor but to be part of a show was what I was hesitant about.”

Biro pa niya, “Pero kasi may gusto akong bilhin na bahay para sa asawa ko so I'm here.”

Pagbabahagi pa ni Chito, hindi niya ilalayo ang kanyang pagiging coach sa kanyang personalidad at tuturuan niya pa ang kanyang team na maging “rock and roll.”

“I think because siyempre 'yun 'yung programming ko as a person e, that's what I'm used to, that's who I am. So I cannot separate myself from who I really am when it comes to being a coach,” ani Chito.

Dagdag niya, “Tuturuan ko silang maging mas rock and roll. When I say rock and roll, it's not the genre pero 'yung attitude towards facing something, kunwari meron kang kalaban na mas magaling, na mas talented, it's not just about vocals e, it's about rock and roll e.

“'Di ba rock and roll is about not accepting what's given there parang you stick it to the man so that's what I can share. Kumbaga sige mas magaling siya kumanta, tara banatan natin siya sa ibang paraan so I think that's very rock and roll.”

KILALANIN ANG THE VOICE GENERATIONS COACHES DITO:

Sa kaniyang interview, sinabi rin ni Chito na hindi niya alam kung paano ang kaniyang proseso ng pagpili ng talent na kukumpleto sa kanyang “parokya.”

Aniya, “I don't know actually how to prepare but I want to listen to the other coaches as well. Pinagmamasdan ko sila to see what they have to offer as artists, their strengths also, para if I see that this artist belongs to or mas bagay siya rito, kahit gusto ko siya, mas bagay ka rito, I'll be honest with that na mas bagay ka kay Billy, or kay Julie Anne, or kay Stell.”

Ang The Voice Generations ay ang newest spin-off ng biggest singing competition sa mundo na The Voice mula sa ITV Studios.

Mapapanood ito for the first time hindi lamang sa Pilipinas kung 'di pati na rin sa buong Asya via GMA Network simula ngayong August 27.

Para sa iba pang showbiz and entertainment updates, bisitahin ang GMANetwork.com.