Max Collins, ibinahagi ang payo ng direktor sa pagganap niya bilang Dominique sa 'To Have And To Hold'

Mahirap man, fulfilling para sa magaling na Kapuso actress na si Max Collins ang pagganap niya bilang Dominique sa mapangahas na serye na To Have And To Hold na mapapanood na simula September 27.

Umamin na challenging para sa kanya ang project na ito nang tanungin sila ng entertainment writer na si Jerry Donato na bigyang buhay ang roles nila na true to life at hindi lamag diumano caricature.

Unang sumagot si Carla Abellana at sinabing, “It's much easier- the more realistic the better. Kasi we are a bit farther away the usual melodramatic attacks or treatments of any story or any soap. So, it's way better- I wouldn't say it's easy, but perhaps it's easier for us actors because realistic, this happens in real life. Although may times uncomfortable, but we have to give it justice.”

Samantala, taliwas naman ang opinyon ni Max na nahirapang gampanan si Dominique, lalo na at may paalala ang kanilang direktor na si Don Michael Perez kung paano nila aatakihin ang kanilang roles sa To Have And To Hold.

Wika niya, “For me it was more fulfilling, on the contrary sa sinabi ni Carla, para sa akin mas mahirap. Kasi nasanay ako na inaarte ko lagi and dito because of the leadership of Direk Don, he was so amazing on being supportive and really encouraging us to find truth in all our scenes.”

Dagdag pa niya, “And really make it as real as possible and because we have an amazing script from Miss Denoy Punio - we were given the opportunity to do so and it was harder para sa akin, kasi hindi ako sanay mag-dig deep. Hindi ako ganun ka-emotional e, it was really hard for me to look for those emotions and open myself up.”

Bago ang world premiere ng To Have And To Hold sa darating na Lunes sa GMA Telebabad, heto ang pasilip sa naging lock-in taping ng show sa probinsya ng Bataan sa gallery sa ibaba.