Get to know the actors who will join Kylie Padilla and Ruru Madrid in GMA's upcoming series 'TODA One I Love.'
Pagbibidahan nina Ruru Madrid, Kylie Padilla at David Licauco ang pinakabagong handog ng GMA News and Public Affairs, ang 'TODA One I Love.'
Gaganap si Ruru bilang Emong na kababata Gelay, ang karakter na gagampanan ni Kylie.
Si Gelay ang babaeng pag-aagawan nina Emong at Kobe.
Si David Licauco naman ang gaganap bilang Kobe, ang mayamang anak ng mayor ng kanilang bayan.
Muling gaganap bilang kontrabida si Gladys Reyes bilang si Mayora Dyna T.
Gaganap si Victor Neri bilang Mayor na ama ni Kobe at asawa ni Mayora Dyna T.
Makikikulit naman si Cai Cortez sa 'TODA One I Love' bilang Konsehala Finny.
Ang half-sister ni Konsehala Finny at kasalukuyang Kapitana ng barangay ang papel na gagampanan ni 'StarStruck' alumna Jackie Rice.
Gaganap si Maureen Larazabal bilang Jane, ang nanay ni Emong.
Ang beteranang actress naman na si Tina Paner ang gaganap na nanay ni Gelay, si Nanay Lea.
Isa pang kapatid ni Gelay ang papel na gagampanan ng actor na si Bruce Roeland.
Kasama rin ang teen actress na si Ayeesha Cervantes na gaganap bilang Rachel, ang nakababatang kapatid ni Gelay.
Gwapong-gwapo sa sarili na sidekick ni Emong naman ang karakter ni Buboy Villar sa 'TODA One I Love.'
Nakababatang kapatid ni Emong ang papel ng actor-vlogger na si Kimpoy Feliciano.
Ang 'TODA One I love' ay ididirehe ng director-actor na si Jefferey Hidalgo. Siya ang director ng dating primetime series na 'Inday Will Always Love You.' Marami pang mga artista ang aabangan sa 2019 sa 'TODA One I Love.'