Kimpoy Feliciano, masaya na babae na ang ka-love team sa 'TODA One I Love'

Masaya at excited si Internet sensation-turned-actor Kimpoy Feliciano na magkakaroon na siya ng ka-love team na babae.

Sa darating na 2019, mapapanood si Kimpoy sa TODA One I Love sa GMA Telebabad.

Ang kanyang character na si Dino ay may espesyal na pagtingin kay Jackie Rice, kaya naman excited na si Kimpoy rito.

"Na-e-excite ako sa magiging takbo ng story namin ni Jackie Rice," ani Kimpoy sa storycon ng TODA One I Love.

"Sabi may lihim na pagtingin ako sa kanya kaya excited ako doon kasi dati ang love team ko si Tekla, ngayon babae na," dagdag pa niya.

Ang katambal ni Kimpoy sa Inday Will Always Love You ay si Kapuso comedian Tekla.

Makakasama nina Kimpoy at Jackie sina Ruru Madrid, Kylie Padilla, David Licauco, Gladys Reyes, Victor Neri at marami pang iba sa TODA One I Love.