'Unbreak My Heart,' mapapanood na mamaya

Matutunghayan na rin sa wakas ang much-awaited series na Unbreak My Heart, ang historical collaboration ng GMA Network, ABS-CBN, at Viu Philippines, ngayong gabi.

Mapapanood ito mula Lunes hanggang Huwebes, 9:35 p.m., sa GMA Telebabad, Pinoy Hits, I Heart Movies at 11:25 p.m. sa GTV. Ipapalabas din ang programa sa GMA Pinoy TV at TFC.

Samantala, nagsimula nang ipalabas ang advance screening ng Unbreak My Heart noong May 27 sa GMANetwork.com, iWantTFC, at Viu.

Ang Unbreak My Heart ay pinagbibidahan nina Joshua Garcia, Gabbi Garcia, Richard Yap, at Jodi Sta. Maria.

Sa ilalim ng direksyon nina Direk Emmanuel Quindo Palo at Dolly Dulu, ang highly-anticipated romantic drama series ay iikot sa buhay nila Rose (Jodi), Renz (Joshua), Matt (Richard), at Alex (Gabbi).

Parte rin ng tinaguriang biggest collaboration project sina Laurice Guillen, Eula Valdes, Sunshine Cruz, Romnick Sarmenta, Victor Neri, Nikki Valdez, Will Ashley, Jeremiah Lisbo, Bianca De Vera, Dionne Monsanto, Maey Bautista, Philip Joshua Endrinal, Mark Rivera, at Marvin Yap.

SILIPIN ANG MGA PERSONALIDAD NA PRESENT SA UNBREAK MY HEART WATCH PARTY RITO: