Around GMA

Article Inside Page

Intense ang inaabangang eksena sa seryeng Unbreak My Heart, kaya naman trailer pa lang ng episode ay umani na ng papuri ang bida ntiong si Gabbi Garcia mula sa mga netizens.

Ang inaabangang eksena ay ang kasal ng karakter niyang si Alexandra/Alex at ni Renz (Joshua Garcia). Sa pinalabas na trailer ay makikita ang intense na emosyon ni Gabbi sa buong eksena.

Sa interview ni Gabbi kay Cata Tibayan sa “Chika Minute” para sa 24 Oras, sinabi niyang naging maganda ang eksena dahil din sa dedication ng kanyang mga co-stars.

“Lahat kasi talaga ano e, are giving their best. Lahat talaga are very, very much dedicated,” sabi nito.

Binanggit din ng aktres kung paano siya nilapitan ng kanyang mga co-stars matapos ang intense na wedding scene nila ni Joshua.

“Ang pinakanaalala ko si Kuya Romnic Sarmienta. Nilapitan niya 'ko, sabi niya sa'kin, 'Gabbi, magpagpag ka,' kasi ramdam na ramdam daw niya 'yung intensity nung emotion,” sabi nito.

TINGNAN ANG SOLO JAPAN TRIP NI GABBI SA GALLERY NA ITO:

Samantala, kailan lang ay inanunsyo rin ni Richard ang pagsisimula ng book two o season two ng Unbreak My Heart.

“We are happy to announce that we will be starting our book two or season two of Unbreak My Heart starting next week,” pagbabahagi nito sa naunang interview niya kay Aubrey Carampel.

Sa pagsisimula ng season two ng serye sa susunod na linggo ay mas kaabang-abang ang pagbabago sa mga karakter na ginagampanan nila, ayon kay Gabbi.

“Hindi lang 'yung character ni Alexandra, character din ni Rose, ni Ate Jods (Jodi Sta. Maria), character ni Josh, kasi nabuking na lahat ng sikreto niya, and also character din ni Papa Chen (Richard Yap), si Matteo Zhang,” sabi nito.

Panoorin ang kabuuan ng interview ni Gabbi rito: