GMA and ABS-CBN to release first teaser video of 'Unbreak My Heart'

Mga Kapuso at mga Kapamilya, excited na ba kayong mapanood ang ilang pasilip sa upcoming drama series na Unbreak My Heart?

Ngayong Biyernes, March 31, eksaktong alas dose ng tanghali, mapapanood na ang ilang eksena sa most-awaited teleserye.

Ipapalabas ang unang teaser sa respective social media accounts ng GMA, ABS-CBN, Dreamscape Entertainment, Viu, GMANetwork.com, at iWantTFC.

Tiyak na magugulat ang mga manonood sa ilang matitinding eksena na matutunghayan sa naturang video.

Ang Unbreak My Heart ay ang kauna-unahang collaboration project ng GMA at ABS-CBN.

Mapapanood bilang bida sa serye sina Joshua Garcia, Gabbi Garcia, Richard Yap, at Jodi Sta. Maria.

Kabilang din sa cast ng serye sina Laurice Guillen, Eula Valdes, Nikki Valdez, Bianca De Vera, Will Ashley, Maey Bautista, Sunshine Cruz, Gardo Versoza, Victor Neri, Jeremiah Lisbo, Dionne Monsanto, PJ Endrinal, Mark Rivera, at iba pa.

Ang series ay mapapanood ngayong 2023 sa GMA at Viu.

“Experience love like you've never experienced before!”

Sabay-sabay nating abangan at panoorin ang kauna-unahang teaser video ng Unbreak My Heart.

SILIPIN ANG ILANG LARAWAN NG UNBREAK MY HEART CAST NA NAKUHANAN SA KANILANG TAPING SA ITALY SA GALLERY SA IBABA: