Kilalanin ang apat na clone sa 'Unica Hija'
Photo Inside Page
Photos
Isang panibagong shocking twist ang gumulat sa mga manonood sa nalalapit na pagtatapos ng 'Unica Hija.'
Ito ay ang pagbunyag na may tatlo pang clone si Bianca (Kate Valdez), bukod kay Hope, na sina Fatima, Charity, at Agape. Sa katunayan, may dalawa pang clone si Bianca--sina Joy at Grace--pero hindi nag-survive ang mga ito nang matagal.
Ang mga puntod nina Joy at Grace ang nakita ni Hope sa mansyon ni Mother Hera (Bing Pimentel)--ang itinuturing na ina ng tatlong clone.
Ang mga clone ay may DNA ni Bianca kaya sila ay magkakamukha.
Eksperimento sila ni Dr. Christian (Alfred Vargas), ama ni Bianca, at ng dating biochemist na si Mother Hera. Si Mother Hera ang sumagip sa tatlong clone matapos silang atakihin ni Lucas (Bernard Palanca). Samantalang si Hope ay napunta sa pangangalaga ng truck driver na si Jhong (Biboy Ramirez) matapos siyang mapulot nito noong siya ay sanggol pa lamang.
Kilalanin ang mga clone sa 'Unica Hija' sa gallery na ito:
