EXCLUSIVE: Alden Richards, inilarawan ang 'Victor Magtanggol' bilang 'Pinoy na Pinoy'
Puspusan na ang paghahanda ni Kapuso actor Alden Richards para sa kanyang upcoming superhero telefantasya na Victor Magtanggol.
Bukod sa pisikal na mga preparasyon para sa kanyang role, lubos din daw pinag-aralan ni Alden ang script at iba pang mga materyal para maayos niyang ma-portray ang karakter ni Victor.
Paano nga ba ilalarawan ni Alden ang show at ang kanyang karakter?
"Pinoy na Pinoy," walang pag-aatubiling sagot ng aktor sa isang eksklusibong panayam ng GMANetwork.com.
"Maraming ipapakita si Victor Magtanggol na mga attitudes na masasabi nating very Pinoy. Si Victor Magtanggol—based on an actor's point of view when I read the material—personifies majority of the Filipinos who are dedicated to their work. 'Yung mga task na in-assign sa kanya, willing siyang gawin kahit ano just to comply to the requirements ng task na 'yun," paliwanag niya.
Dahil dito, sigurado raw siyang maraming makaka-relate sa kanyang karakter at sa show.
"I want this project also to appeal to all the masses kasi hindi mahirap mahalin 'yung character ni Victor Magtanggol," aniya.
Bukod kay Alden, mapapanood din sa show sina John Estrada, Coney Reyes, Janine Gutierrez, Andrea Torres, Yuan Francisco at marami pang iba.
WATCH: Janine Gutierrez at Andrea Torres, mapapasabak din sa fight scenes sa 'Victor Magtanggol'