Andrea Torres, may hugot sa pagtatapos ng 'Victor Magtanggol'

Nagtapos noong nakaraang Biyernes, November 16, ang GMA Telebabad superhero series na Victor Magtanggol.

Exciting ang naging usapan ng netizens tungkol dito dahil naging top trending topic pa ng Twitter Philippines ang official hashtag nitong #VMTheHeroicFinale.

May hugot naman ang isa sa mga lead stars nitong si Andrea Torres sa pagtatapos ng minahal nilang show.

"Hanggang sa muli Diyosang Sif.. Mamimiss kita.. (Mamimiss din kita Ratty! Hehehe!) #VMTheHeroicFinale," sulat niya sa caption ng kanyang Instagram post kung saan makikita ang kanyang karakter na may korona at nakaupo sa trono ng Asgard."

Matatandaang si Sif ang naging reyna ng Asgard matapos ang huling laban ni Victor para sa Midgard.

Balikan ang ilang mga eksena mula finale ng superhero series na Victor Magtanggol.