Radson Flores, nakuha agad ang role na Mark Gordon noong nasa 'StarStruck' pa lang?

Hindi pa man ganap na artista noon, nakitaan na ng potensyal ang ngayo'y Sparkle artist na si Radson Flores, na produkto ng seventh season ng StarStruck.

Ayon sa Voltes V: Legacy director na si Mark Reyes, kahit baguhan, nag-standout ang distinct looks ng aktor na bagay gumanap sa karakter na Mark Gordon nang mapanood niya ito sa Kapuso reality artista search noong 2019.

"When I saw Radson on StarStruck, I said there's my Mark Gordon. He looked like the anime, 'yung kilay and all. So I wanted him to audition so I was biased already," ani direk Mark.

Bukod pa sa pang-anime na physical features ni Radson, talagang meant to be para sa kanya ang Voltes V role na isang rodeo champion dahil may background siya sa horseback riding.

Patuloy ng direktor, "But serendipity runs in this whole production for so many reasons. One is what were the chances that Radson already knew how to ride a horse since he was a young boy so we didn't have to make him go to training.”

"So once we had him sit on the horse, it was second nature to Radson," dagdag pa niya.

Hindi naman nakampante si Radson kahit may experience sa pangangabayo at personal na sumailalim sa horseback riding lessons para paghandaan ang pagbibigay-buhay kay Mark Gordon, na kumokontrol sa Volt Bomber o braso ng Voltes V.

SAMANTALA, KILALANIN PA SI RADSON FLORES SA GALLERY NA ITO: