What's on TV

'Voltes V: Legacy: The Cinematic Experience,' ipapalabas sa Japanese Film Festival PH

By Jansen Ramos

Published January 24, 2024 6:33 PM PHT

Updated January 25, 2024 3:05 PM PHT

Around GMA

TD Wilma speeds up, moves over Calbayog City
#WilmaPH moves north of E. Samar, over waters of Dolores

Article Inside Page

Showbiz News

voltes v legacy the cinematic experience

Libreng mapapanood ang 'Voltes V: Legacy: The Cinematic Experience' sa mga piling sinehan simula Pebrero bilang parte ng official lineup ng Japanese Film Festival, Philippines 2024.

Muling ipapalabas sa mga sinehan ang isinapelikulang bersyon ng Voltes V: Legacy na pinamagatang Voltes V: Legacy: The Cinematic Experience.

Kabilang ito sa official lineup ng Japanese Film Festival, Philippines 2024 na inoorganisa ng Japan Foundation, Manila.

Libreng mapapanood ang Voltes V: Legacy: The Cinematic Experience sa mga piling sinehan.

Base sa website ng Japanese Film Festival, Philippines, may screening ito sa Shangri-La Plaza sa February 10 sa oras na 7:45 p.m.

Nakatakda rin itong ipalabas sa SM Seaside City Cebu, SM City Baguio, SM City Iloilo, SM City Davao, at UPFI Film Center.

Bukod sa Voltes V: Legacy: The Cinematic Experience, tampok din sa Japanese Film Festival, Philippines 2024 ang iba pang Japanese movies na Voltes V: The Liberation (1977-1978), The First Slam Dunk (2022), Detective Conan The Movie: The Time-Bombed Skyscraper (1997), at Detective Conan The Movie: The Private Eyes' Requiem (2004).

Tampok din sa film fest ang Gold Kingdom and Water Kingdom (2023), We Made a Beautiful Bouquet (2021), Tokyo Story (1953), And Yet, You Are So Sweet (2023), Not Quite Dead Yet (2020), Angry Son (2022), MONDAYS: See You “This” Week! (2022), The Father of the Milky Way Railroad (2022), at A Man (2022).

Gaya ng Voltes V: Legacy: The Cinematic Experience, lahat ng pelikulang kabilang sa official lineup ng Japanese Film Festival, Philippines 2024, na tatakbo mula February 1 hanggang March 2, ay libreng mapapanood sa mga piling sinehan.

Mula sa direksyon ni Mark Reyes, ang Voltes V: Legacy: The Cinematic Experience ay special edit ng Voltes V: Legacy, ang local adaptation ng popular na '70s Japanese anime na Voltes V.

Nag-premiere ito sa big screen noong April 18, 2023 bago ipinalabas ang full-length version nito sa telebisyon na umere mula May 8, 2023 to September 8, 2023 sa GMA.

Pinagbidahan ang Voltes V: Legacy nina Miguel Tanfelix, Ysabel Ortega, Radson Flores, Matt Lozano, at Raphael Landicho na gumanap bilang Voltes V team.

Mula ito sa produksyon ng GMA Entertainment Group sa pakikipagtulungan ng Telesuccess Productions at TOEI Company.

Narito ang ilang reaksyon ng netizens sa Voltes V: Legacy: The Cinematic Experience.