Around GMA

NCAA: Sleat, Gojo Cruz save best for last as Perpetual beats Benilde in battle for third
Mall of Asia opens football park to boost the sport's popularity in PH
Food pack, tubig at iba pa, hatid ng GMAKF sa mga nasalanta ng Bagyong Tino sa Negros Island | 24 Oras

Article Inside Page

Showbiz News

Binigyan ng seal of approval ni Shinichiro Shirakura, ang director of planning and production ng Toei Company, Ltd., na Japanese company na gumawa sa 'Voltes V,' ang mega trailer at pilot episode ng 'Voltes V: Legacy.'

Hindi lang fans ng Voltes V ang pumuri sa mega trailer ng inaabanang live-action adatation series nitong Voltes V: Legacy.

Dahil maging ang director of planning and production ng Toei Company, Ltd., ang Japanese company na original maker ng Voltes V, na si Shinichiro Shirakura ay bumilib sa kinalabasan ng trailer ng Voltes V: Legacy.

Sa "Chika Minute" report ni Nelson Canlas sa 24 Oras kagabi, January 16, nagbigay ng mensahe ang Toei executive sa mga taong bumubuo sa Voltes V: Legacy.

Bukod sa mega trailer, may seal of approval din pati ang pilot episode ng upcoming GMA series mula sa Toei.

Ani Shirakura, "Your robots look cool and intense. Beautifully designed with very high quality visual effects. I was really surprised.

"I honestly admire all of you for the great job that you have done. I am personally very inspired, I think your production is so excellent that it made me feel strongly that we must do better to match your quality in the Philippines."

Ang pinuri niyang produksyon ng Voltes V: Legacy ay tinahi ng tinatawag na "soul of the project," ang post-production.

Ikinuwento ni GMA First Vice President and Head of Post Production Paul Ticzon ang ilan sa challenges na kanilang hinarap sa paggawa ng most ambitious project ng Kapuso network.

Bahagi niya, "The show will run for 80 episodes, that amounts to around 2,000 minutes. That's 22 movies of almost every scene na may graphics.

"Ang challenge was to make the scenes look bigger or larger than life."

Aabot daw sa halos isang daang artists ang nagtulong -tulong sa loob ng mahigit dalawang taon para mahatid ang kauna-unahang live-action version ng pinakasikat ng '70s mecha anime.

Hinimay din daw nila ang bawat eksena para bigyan ng richer at more realistic look na hindi makikita sa cartoon version ng Voltes V.

Ang Voltes V: Legacy ay isang legacy na handog ng Kapuso network sa mundo now and for generations to come.

Bahagi pa ni Ticzon, "Not only should you satisfy 'yung expectations ng mga lumaki sa Voltes V but also the expectation of the newer audience. Kailangan ikaw mismo you're very, very proud of the end product. That really is a challenge for everyone involved in Voltes V."

Panoorin ang buong ulat sa video sa itaas.

Mapapanood ang Voltes V: Legacy sa second quarter ng 2023, ayon sa direktor nitong si Mark Reyes.

Ito ay mula sa produksyon ng GMA Entertainment Group, sa ilalim ng panulat ni Suzette Doctolero.

Lahat ng mga materyal na gagamitin para sa programa ay inaprubahan ng Toei at ng licensing agent nito sa Pilipinas na Telesuccess Productions, Inc.

NARITO ANG MGA ARTISTANG MAPAPANOOD SA VOLTES V: LEGACY: